النظام الشمسى

بسم الله الرحمن الرحيم


النظام الشمسى بيتكون من الشمس و الكواكب و بقية الاجسام التانيه المرتبطه بجاذبية الشمس.

الشمس بتعتبر نجمه حجمها متوسط ضمن مجرة درب التبانه.النظام الشمس عدد كواكبه 8 (كانو 9 زمان قبل 2006 لما اعادو تصنيف بلوتو من كوكب و خلو اسمه كوكب قزم) و عدد اقماره حوالى 160 قمر طبيعى و فيه عدد كبير جدا و مش معروف من الكويكبات (كواكب صغيره) و النيازك و كميه مهوله من الغبار اللى بين الكواكب.

النظام الشمسى عمره حوالى 4.5 ميليار سنه. الشمس و القمر و الكوكب اللى بتلمع فى السما ممكن يتشافو بالعين المجرده من على الارض و الفلكيين بتوع زمان حسبو و لاحظو و درسو حركاتهم و دا كان الاساس اللى قام عليه علم الفلك (Astrnomy).النهارده علم الفلك علم معقد و فيه كم هايل من المعلومات عن خصايص و تركيب الاجسام السماويه و حركاتها و المدى اللى وصلت له الادوات فى دراسة النظام الشمسى و الحاجات اللى ورا النظام الشمسى بقا مدى كبير جدا.

التركيب الشمس موجوده فى نص النظام الشمسى و هى اللى بتتحكم فى الحركه بتاعة كل حاجه فى النظام الشمسى عن طريق الجاذبيه المهوله بتاعتها. كتلة الشمس بتمثل 99% من كتلة النظام الشمى كله و الـ 1% الباقى متوزع ما بين الكوكب و بقية الاجسام السماويه التانيه.كواكب المجموعه الشمسيه بحسب القرب من الشمس هى:

1.عطارد (ميركورى)
2.الزهرا (فينوس)
3.الارض
4.المريخ
5.المشترى (جوبيتر)
6.زحل (ساتورن)
7.اورانوس
8.نيبتون

الاربع كواكب البرانيين (المشترى ، زحل،اوراوس،نيبتون)عندهم انظمه دائريه حواليهم و كل الكوكاكب ما عدا عطارد و الزهرا عندهم قمر طبيعى واحد او اكتر بيلف حواليهم.

بلوتو من اول ما اكتشفوه سنة 1930 و هما بيصنفوه ك واحد من الكوكب بس الاكتشافات و المعلومات اللى اتراكمت من ساعتها لدلوقتى خلا الاتحاد الفلكى العالمى (International Astronomical Union) يصوت فى اغسطس سنة 2006 على اعادة تصنيف بلوتو و خلوه ضمن مجموعه تانيه اسمها مجموعة الكواكب القزمه بتضم كمان ايريس و سيريس .

جميل الموضوع يا هدير بس انا من رأى ان الموضوع هيبقا احسن لما يبقى باللغة العربية الفصحى . والسلام عليكم ورحمة الله وبركاته